İMTAHAN HƏYATI

Rəbbimiz yaratdığı milyonlarla varlıq içərisindən yalnız insan övladını seçərək əhsəni-təqvim üzrə, ən gözəl surətdə, məxluqatın əşrəfi olaraq yaratdı. Onu ağıl, düçüncə və idrak kimi üstün məziyyətlərlə zinətləndirdi. Bir çox qabiliyyətlər verərək mükərrəm qıldı.

Sonra;

İmtahan etmək üçün insanı dünyaya göndərdi. Adəm (ə.s)-dan bu günə qədər milyonlarla insanın dünyaya gəlişi bu imtahan məqsədi ilə oldu. Dünyaya gələn hər bir bəndə imtahan verib getdi.

İndi isə növbə bizdədir. Biz də əvvəlkilərlə eyni imtahanı yaşayırıq.